Antoko AVI : TSY MBOLA MANANA KANDIDA HOTOHANANA
Mpikambana AVI : MALALAKA AMIN’NY KANDIDA TOHANANY
Tsy ilay anarana hoe Asa Vita Ifampitsarana intsony fa lasa Ainga Vaovao Ifotony ny antoko AVI izay naorin’ny Filoha nasionaly andriamatoa Norbert Lala RATSIRAHONANA.
Efa nametra-pialana tsy ho mpitarika izay moa ity farany ka ireto avy ny mpitarika vonjimaika ny antoko AVI dia : andriamatoa Sylvain RABETSAROANA , andriamatoa Jean Jacques RABENIRIANA , ramatoa Dahimanjara Johanita.
Nisy ny fanazavana fohy nomen’andriamatoa Norbert Lala RATSIRAHONANA mikasika ny raharaham-pirenena :
Hoy izy :
- Malalaka amin’izay kandida tiany hotohanana ny mpikambana ao anatin’ny AVI.
- Tsy mbola manana kandida tohànana ny AVI satria tsy mbola nisy nanao fanambarana momba izany ny mpilatsaka.
- Natokana ho an’ny kandida mpanambola io fifidianana filoham-pirenena io.
- Nanentana ireo olom-pirenena izy mba hisoratra anarana anaty lisi-pifidianana fa hiatrika fifidianana isika io atsy ho atsy.
Nandritra ny Assise Régionale an’ny antoko AVI natao tao amin’ny FARITRA ATSIMO ANDREFANA moa no nanambarany izany.
